Бүгін қолданысқа шығарылатын тегін Camera Color Matching қолданбасы — Canon компаниясының компьютерлерге арналған жаңа мамандандырылған қолданбасы, оны пайдаланудың қарапайымдылығы уақытты айтарлықтай үнемдейді.
Camera Color Matching қолданбасы белгі бір құрылғылардан түс диаграммаларын қармап, 3D форматында анықтамалық кесте (LUT) құрастыру арқылы жұмыс істейді, аталмыш кестені CR-N700 хабар тарату PTZ камерасына импорттауға болады. Оны түстерді басқару технологиясымен таныс емес кез келген адам тез және оңай пайдалана алады.
Уақыт қашан да аса маңызды болатын жаңалықтар, ойын-сауық, концерттер, тікелей трансляциялар және реалити-шоулар үшін өте қолайлы. Қолданба қолдау көрсететін Canon камералары мен басқа өндірушілердің камералары арасында түстерді өзара жылдам салыстырады.
Қолданбаға түсініктеме бере отырып, Canon Europe компаниясындағы Джек Адэр былай деп түсіндірді: «Хабар таратушылар үшін басты қиындық болып түрлі камералардағы түстерді бір арнаға тоғыстыруға кететін уақыт табылады. Camera Color Matching қолданбасы тікелей түсірілім алаңында CR-N700 және басқа да камералар арасында түстерді жылдам сәйкестендіруге мүмкіндік береді. Соның арқасында бәрін бабына келтіру кезінде бейне инженерлерінің құнды уақытын үнемдейді».
Camera Color Matching қолданбасының негізгі мүмкіндіктері:
- Жалпы қабылданған стандартты түс кестелеріне сәйкес автоматты баптау, қосымша қолмен басқару мүмкіндігі де бар.
- Әр жаққа 2-ден 15-ке дейінгі төртбұрышты түс кестесін қолдайды (мысалы, 140 түсі бар түстер кестесі).
- Дәлірек баптау үшін кадрдан үш аймақты қолмен таңдауға болады.
- Импорттау алдында осциллографы бар бейне басқару құрылғысы, сондай-ақ вектороскоп арқылы 3D LUT кестесін тексеріп алуға (үлгілеуге) болады.
- IP арқылы 3D LUT кестесін камераға жіберуге болады.
- Жасалған LUT кестелерін файл түрінде компьютерде сақтауға және кез келген уақытта қалпына келтіруге болады.
- Қолдау көрсетілетін қозғалмайтын кескін пішімдері: BMP, TIF, PNG, JPG.
- Қолдау көрсетілетін операциялық жүйелер: Windows 11, Windows 10 64-бит.
Түйіндеме
Камера түстерінің трансляцияға дәл сәйкестігін қамтамасыз ету бірнеше күн алуы мүмкін. Ал қолданба болса, осы уақытты әр камераға шамамен бес минутқа дейін қысқартады және оны тәжірибесі аз пайдаланушылар да пайдалана алады, осылайша бейне инженерінің уақытын басқа да маңызды тапсырмаларды орындауға босатады. Ең бастысы, қолданба Canon CR-N700 камерасын көптеген басқа өндірушілердің хабар тарату камераларымен, сондай-ақ басқа Canon үлгілерімен бірге пайдалануға мүмкіндік береді.
Камеры PTZ и сетевые камеры с удаленным управлением - Canon Kazakhstan
